Wali 11 takke Ameerikak Nukleer Saynis Tutaxago Kaxxam Sirri Cugaysot Cuumi Leh Tan Caddol Bayteh Aw Rabteh.
Nukleer Saynis, Aerospace, Kee NASAh 11 Takke Kusaq Abeenit, Kaxxam Sirri Projektit Tengeleh Sugteeh, Kaxxam Sirri Oytitte Akah Yibbixen Innah Abak Sugen. Tamah U.S. Kongirees Itleenih (April Alsak 20) Sissik Fokkaaqo Akah Abak Geytimaanam Yiysixxigen. Missouri Rakaakayak Awlaytuh Yan Eric Burlison, Rusiya, Chayna Kee Iraan Baaxoh Addal Koobaahisak Geytimaanam Qaddoose. White House Sissik Maybalaalaqa Yeceh Yanim Kee FBI Kee Pentagon Edde Anuk Baxaabaxsa Le Doolat Ejensitte Tama Caagiidal Fokkaaqo Abak Geytimtam Qaddoosen.
Daily Mail itleenih (April 20) elle warsennal, Majlisik Doolat Reformih Makaadoh Saqal James Comer, Itleenih (20) Baxaabaxsale Ejensitte Fanah Ayyufta Ruubak, Apriil Alsak 27 Fanah Oytitte Akah Yayyaaqen Innah Ayyufta Ruubak, Tama Ayyuftal, Exxal:
"Malah Buxa Lowsis kee Milaaguh Kommission Fokaqo Abak Geytima Asmateween Gabbaaqitte Cuumih Bayti kee Raba Canka Marite Hangi Ameerikah Saynis Oyta Gufneh,"
Ossotinah, “Ta Xaagitte Elle Tascassennal Wali 10 Num U.S. Nukleer Sirritte Aw Roket Teknoloojit Angaaraw Leh Yanim Xayi Sanatitteh Addat Cuumi Leh Yan Caddol Rabeh Yanim Kee Bayeh Yanim Qaddoosen.”
Comer elle warsennal, “Tama xaagitte nummah tanim tekkek, tannah tan rabe marih qawwalayla Ameerikah amni kee Ameerikah saqolti saynis sirritte elle geytimta gurral taqabi kataasam bictah” iyye.
Newsweek kaadu, Missouri Kongirees Adoytah Yan Eric Burlison, Rippablikan Partih Adoytah Yan Num, FBI Tama Caagiidal Fokkaaqo Akah Abak Geytimaanam, Itleenih (20) Ayro, Ameerikah Mihratleela, Matthew Sullivan Kee Aasiyah Ameerikah Dr. Ning Li, Tama Caagiidal Fokkaaqo Abak Geytimaanam Qaddoose.
Usuk elle yescessennal, tama Ameerikah Saynis Tutaaxago, Onlaayinil Walal Ammunta Yekkeh Yanim,... “Foreign Operations” Kinnim Tamixxige.
“Nanu Chaynaay, Rusiya Kee Iraan Lih Nukleer Teknolooji, Silaacitte Kee Qaran Gubal Geytimnaah, Ni Saynis Mihratleela Kaxxam Faxximta” Axcuk Berlinson Platform Xil Qaddoose.
Usuk kaadu, “Tah iro baaxoh taamah astooti kibuk tan, anu inni Demokraasi kee Rippablikan partitte luk FBI inkih edde angaluk taamitak geytima.Tah namma partih taama hinna” iyye. Xaagi Ayyam gabbaaqeh.
No comments:
Post a Comment